Ռոբերտ Յոլչյան

Ռոբերտ Յոլչյան (մայիսի 3, 1917, Թիֆլիս – ապրիլի 6, 2001, Երևան), հարվածային գործիքների կատարող, մենակատար։

1939 թվականից աշխատել է Հայաստանի պետական ջազ նվագախմբում: Հանդես է եկել նաև որպես երգիչ՝ քաղաքային («Աղջի, հագինդ չիթ ա» և այլն), ժողովրդական և հատուկ իր համար գրված («Թմբկահարի երգը» և այլն) երգերով, վարել համերգներ։

Յոլչյանին հատուկ էր կատարողական բարձր վարպետությունը։ Հյուրախաղերով շրջագայել է ԱՄՆ-ում, Ֆրանսիայում, Լիբանանում, Սիրիայում, Եգիպտոսում և այլուր։